வியாழன், 19 ஜனவரி, 2017

இவர்கள் தமிழர்கள்

அன்பின் புரிதலைப் பகிர்வோம்.

ஜல்லிக் கட்டு  - தமிழ் மரபு மீட்பு இளம் போராளிகளுக்கு வாழ்த்துக்கள்

நான் எனது தந்தையிடம் இருந்தும் அவரது நண்பர்களிடமிருந்தும் கற்றுக் கொண்டது, நான் ஓர் அடிமை என்பதை உணர்ந்தது, எனது அடிமைத் தனத்தை நீக்க வழிகள் தமிழ் மரபில், தமிழ் பண்பாட்டில், தமிழ் கலைகளில், தமிழர் தம் அறிவியலில் வாழ்வியலில்  உள்ளது என்பதையே.

 எனது விடுதலைக்கு- மகிழ்ச்சிக்கு - வாழ்வுக்கு வழி எனது மொழியில் எனது தமிழ் சான்றோரின் அறிவியலில், வாழ்வியலில் உள்ளது என உணர்ந்தேன்.

நான் பள்ளி மாணவனாக இருக்கும் போதிலிருந்து இன்று வரை எனது நலவாழ்வுக்காக- விடுதலைக்கான வழிகளை கற்பதிலும், கற்றதை என்போல் தன் துன்பத்துக்கு காரணம் உணர்ந்து  வழி தேடுவோர்க்கு பகிர்வதையும்தனது தேவையை உணராதவர்க்கு விழிப்புணர்வை தூண்டி உதவுவதை தொடர்ந்து செய்து வருகிறேன்.

இந்த தகுதியோடு தற்போது தன்னை உணர்ந்து தனது நல வாழ்வுக்காக போராடும்  தமிழின இளையவருக்கும், மாணவர்களுக்கும் எனது வாழ்த்துக் கூறுகிறேன்.

உங்களால் மகிழ்கிறேன். என் மகனும், மகள்களும் உங்களுடன் இணைந்து போராட்டத்தை கற்பதில் எனக்கு மகிழ்ச்சி.

நீங்கள் இப்போது தான் வாழ்க்கை கல்வியின் மாணவர்களாய் கற்க ஆரம்பித்துள்ளீர்கள் இந்த விழிப்புணர்வு நமக்கு விடுதலையை - வாழ்க்கையை பரிசாக கொடுக்கும்.

இளைஞர்களே உங்கள் விழிப்புணர்வுடனான நிதானமான தொடர் போராட்டம் - உறுதி உலக மனிதர்களுக்கெல்லாம் விடுதலையை பெற்றுத்தரும்

அன்பை மறவா,

தமிழவேள் 

ஞாயிறு, 18 டிசம்பர், 2016

மனிதனாக ஒரு பயணம்



மனிதனாக ஒரு பயணம்
நம் உடல் தனை உருவாக்கிய இறைஆற்றல் கூறு உடலில் தான் உள்ளது. அது தன்னை பாதுகாத்துக் கொள்ளும், புதுப்பித்துக் கொள்ளும்.

பேரிறையின் தன்மைகளை முழுமையாக கொண்ட சிற்றிறை அதுதன்னைத் தானே சுவைக்கப் பிறந்தது. இயற்கை என்று தான் படைத்த அனைத்து இன்பத்தையும், சிற்றிறையாக இருந்து அனுபவித்து பின் தன்னை உணர்ந்து முழுமையில் இணைய அதன் பயணம் முழுமையாகிறது. இயற்கை எனும் ஐந்து மூலக ஆற்றல் சிற்றிறைக்கு  நலம் கொடுக்கவே உருவாக்கப் பட்டது.

சிற்றிறை பகுதியின் விளைவான மாயையால் தன்னை மறந்து, ஆணவத்தால் செயல் புரிந்து முழுமையின் தொடர்பை இழந்து நிற்பதே மனித நிலை.

இந்நிலையிலேயே இறைஞானங்கள்  மனம் எனும் முரணுக்குள் சிக்கி நன்மை, தீமை - நல்லது கெட்டது என பிரித்துப் பார்த்து தனக்குத் தானே எதிரியாகி தூன்பத்துக்கு ஆளாகி இறைத் தொடர்பை இழந்து பொய்யான மரணத்துக்குள் விழுந்து பொய்யான பிறவித் துன்பங்களை உண்டாக்கிக் கொள்கிறான் மனிதன்.

இந்நிலையில், மனித நிலையிலிருந்து சிற்றிறையை மீட்கவே, அதற்கு தன்னை உணர்த்தவே பேரிறை தனது கருணையால் நோய்களையும், இயற்கை மீட்டெடுப்புகளையும் உண்டாக்குகிறது. இது விழிப்படையாத மனிதனின் குறை அறிவால் துன்பமாக அறியப்படுகிறது.

தன்னை உணர்ந்த மனிதன் இதை தான் மேல் நிலை அடைய இறைவன் தந்த பாடங்களாக உணர்ந்து தன் இறைஞானங்களை  மனதின் தீமைகளில் இருந்து விடுவித்துநன்றியுணர்வுடன்  இறைவழிகாட்டுதல்களை போற்றி பாதுகாத்து மேலும் இறைக்கு நெருக்கமாக்கி கொள்கிறான்.

தனது புரிதலால் ஐந்து மூலக ஆற்றலை கட்டுப்படுத்தி தனது உடல் எனும் தளையை தாண்டி முழுமையுடன் இணைகிறான். மீண்டும் இறைநிலை அடைகிறான்.

தனது பயணத்தில் உடன் வரும் மற்றவர்களுக்கு தனது புனிதப் புரிதல் மூலம் வழிகாட்டுபவர்களையே சித்தர்களாகவும், இறைவழி அறிவர்களாகவும், ஞானமடைந்தவர்களாகவும் பார்க்கும் மனிதன் தானும் அடைந்தே ஆகவேண்டிய நிலை அது என உணர்தல் வேண்டும்.

அன்பை விளையும்,
தமிழவேள்

மரபுவழி நலவாழ்வு மையம் ஆவடி உறுப்பினர் ஆக- நலம் விரும்பிகளுக்கு



மரபுவழி நலவாழ்வு மையம்

நோக்கம்.

  1. நலவாழ்வுக்கான வாழ்வியல் கல்வியையும், மருத்துவத்தையும்  நலம் நாடும் அனைவரிடமும் கொண்டு சேர்ப்பது.

  1. உண்மையை நன்மையை நாடுவோர்க்கு உதவுவது.

  1. குடும்பத்தில் உள்ள அனைவர் உடல்நலம், மனநலம் சூழல்நலம் பற்றிய அறிவை -விழிப்புணர்வை மேம்படுத்துவது.

  1. மருத்துவச் செலவு, தேவையற்ற செலவுகளை முறைப்படுத்த உதவுவது.

  1. எளிய வகையில் வாழ்க்கைத் தேவைகளை நிறைவேற்ற கூடிய வருவாய்கான வழிகளை மேம்படுத்துவது.'

  1. இரசாயனமற்ற உணவுப்பொருள்கள் உற்பத்தி முறைகளை கற்றுத்தருவது, பெற்றுத்தருவது.
விற்பவர்- வாங்குபவர்க்கு உதவுதல்.

  1. நலவாழ்வு குறித்த அனைத்து தகவல்களையும் தொகுத்தல் - பகிர்ந்து கொள்ளுதல்.

  1. உடல் மன நலத்துக்கான எளிய உடற்பயிற்சிகளை, யோக பயிற்சிகளை பயிற்றுவித்தல்.


தற்கால வாழ்க்கை முறை போட்டியும், பொறாமையும் நிறைந்ததாக உள்ளது.

 மனிதர்கள் தம் இயல்பை இழந்து விலங்கினும் கேடாக தம்மை தன்னைத்தானே வருத்திக் கொண்டு மன அமைதி, உடல் நலம் கெட்டு, ஓய்வின்றி உழைத்து, பணம் தேடி அதனால் மேலும் கேடுகளை வசதிகளாகப் பெற்று பெரும் துன்பத்தில் உழல்கிறார்கள்.

 தமது குழந்தைகளுக்கும் தாம் இருக்கும் அழிவு வழிகளையே அடையாளம் காட்டுகிறார்கள்.

நிம்மதியும் நலமும் இல்லாத,, ‘விஷத்தை தின்று விதிவந்தால் சாவு’ எனும் நிலைக்கு சென்று விட்டார்கள். குடிக்கும் நீரிலிருந்து, இறைவன் தந்த நேரடி உணவான பழங்கள் வரை தமது படிப்பறிவால், பேராசையால், அறியாமையால் நஞ்சாக்கி உண்கிறார்கள்.

தொலைக்காட்சித் தொடர்கள், வலை அரட்டைகள், வலை விளையாட்டுகள், சினிமா இரசிகர் மன்றங்கள், கட்சித் தலைமை வழிபாடு, இன, தேசிய, மத, தீவிரவாதிகளின் சூழ்ச்சிகள், வாழ்க்கைக்கு உதவாத படிப்புகள் எத்தனையோ வழியில் தனது நலவாழ்வுக்கான நேரத்தை அழிவு வழியில் செலவிடுகிறார்கள்.
இதன் கொடுமையை அனுபவித்து விடுபட நினைப்பவர்களை வைத்து பிழைக்கவும் ஏராளமான போலி இயற்கை அங்காடிகளும், மாற்று மருத்துவ முறைகளும், ஹீலர்களும், மனவளக் கலைகளும், யோக குருக்களும், வீர உரைவீச்சு தலைவர்களும், அறிவு ஜீவிகளும் உருவாக்கப்பட்டு விட்டன மக்கள் எதிரிகளால்.

நமக்காக நம் சான்றோர்கள் தொகுத்து தந்த மரபு வாழ்வியலின் எளிய உண்மைகளை அறியவிடாமல் தடுக்க ஆயிரக்கணக்கான போலிகள். நாக்குத்துடிப்பாக பேசத் தெரிந்தவன் எல்லாம் அரசியலிலும், மருத்துவத்திலும் புகுந்து விட்டார்கள்.

நன்மையைத் தேடுபவர்க்கு; தலைமை வழிபாட்டையும், இலவசத்தையும், மலிவாக கிடைக்குமா என தேடுவதையும், கூட்டம் கண்ட இடத்தில் சாய்வதையும், சிந்திக்காமல் சான்றிதழ் தேடுவதையும் விட்டுவிட்டு விலகினாலே வாழும் வழி கிடைக்கும்.


மரபுவழி நலவாழ்வு மையம் உறுப்பினர்களுக்கான விதிகளும், பெறும் பயன்களும்.

சேர்க்கைத் தகுதிகள்.

  1. தன் நலத்திலும், தன் குடும்ப நலத்திலும் அக்கறை கொண்டோர்.

  1. நலவாழ்வுக்கான விதிகளை கற்றுக் கொள்ளவும் வாழ்ந்து பழகவும் விரும்புபவர்கள்.

  1. தான் உணர்ந்த நன்மையை பிறருடன் பகிர்ந்து கொள்ளவும், சேர்ந்து வாழவும் விரும்புபவர்கள்.

        அனைவரும் உறுப்பினராக தகுதியுள்ளவர்.

மேலே நோக்கத்தில் குறிப்பிட்டுள்ள அனைத்து பலன்களையும் உறுப்பினரும் அவர் குடும்ப உறுப்பினர்களும், கட்டணமின்றி, எளிய கட்டணம் அல்லது சரியான விலைக்கு பெற்றுக் கொள்ளலாம்.

உறுப்பினர் கட்டணம் அவரவர் விருப்பத்தைப் ஒட்டி முடிவு செய்து கொள்ளலாம்.

அன்பை விளையும்,
தமிழவேள்

மரபுவழி நலவாழ்வு மையம்,
31.அண்ணா தெரு,
ஆவடி, சென்னை-54
கை பேசி; 9345812080, 9444776208
மின்னஞ்சல்; thamizhavel.n@gmail.com

ஞாயிறு, 20 நவம்பர், 2016

அன்பின் புரிதலைப் பகிர்வோம்.




சனி, 22 அக்டோபர், 2016

நண்பர் ஹைதர் இறைவழி அனுபவம்

video




https://youtu.be/2IfEN688xR0

வெள்ளி, 21 அக்டோபர், 2016

இறை வழி மருத்துவம் மனித னுக்கான மருத்துவம்

https://youtu.be/2EWuWQGbMxk

புதன், 24 ஆகஸ்ட், 2016

மருந்தில்லா மருத்துவர்க்கு - நோக்கத்தில் கவணம் குறித்து

மரபுவழி நலவாழ்வு மையம் நோக்கமும், செயல்களும்
04 August 2016
09:38
நான் இறைவழி மருத்துவ ஞானத்தை பெற்ற பின் இது எல்லா மனிதர்களுக்கும் பயன்பட வேண்டும் என விரும்பினேன். எனது மதிப்புக்குரிய நண்பர்கள் பலரிடம் அவர்களுக்கும், அவர்கள் நண்பர்கள், குடும்பத்தினருக்கும் உள்ள உடல், மனத் தொல்லைகளை  நீக்கி சுகம் பெறும் வாய்ப்பு கொடுத்து பின், இறைவழி மருத்துவம் எல்லோர்க்கும் போய் சேர வேண்டும் எனும், என் விருப்பத்தை கூறினேன்.
பலர், நிறைந்த பாத்திரமாகவே இருந்தனர். சிலர் இதை வருவாய் தரும் வகையில் எப்படி மாற்றுவது என விதவிதமான யோசனை கூறினர். சிலர் தங்களை, தாங்கள் சார்ந்த அமைப்பை வளர்க்க, பயன்  படுத்தவிரும்பினர்.
பொது உடமை, தேச நலன், இன நலம், நாத்திகம், மக்கள் நலம்உடல் நலம், ஆன்மீகம் என பேசும் எனக்குப் பழக்கமுள்ள  அனைத்து நண்பர்களும் உண்மையில் தாங்கள் பேசுவதில் உறுதியாகவோ, திறந்த மனதுடையவர்களாகவோ இல்லை. தங்கள் தனித் தன்மையை தலைமையைப் பாதுகாப்பதிலும், பெருமையை வளர்க்கவும்தங்கள் இயலாமையை மறைக்கவும்  கிடந்து தத்தளிப்பவர்களாகவே கண்டேன்.

முழுமையின் - எளிமையும், தூய்மையும், நேர்மையும், அன்பும், மென்மையும் மனதின் பெருமைக்கு அடிமைகளான மனிதர்களை அஞ்ச வைப்பதாகவே உள்ளது.

மனம் மேலும், மேலும் சிக்கலையே விரும்புகிறது. மனம் பயன்படுத்தும் படிப்பறிவோ மனிதனை நல்லது, கெட்டதென கூறுபோட்டு விடுகிறது. மனிதனுக்கு - அவனையே எதிரியாக்கி விடுகிறது.
..........
மனிதனின் படிப்பறிவால்  அறிந்த - எளிமையும், தூய்மையும், நேர்மையும், அன்பும், மென்மையும், காதலும், தேசப்பற்றும், பக்தியும்  அவனது செறுக்குக்கு போர்வையாகவே உள்ளது.

 மனிதர்கள் மனதின் பெருமைக்கு அடிமையாகி, இறைவனுக்கு நன்றி மறந்தவர்களாகவே இருக்கின்றனர்.

பிச்சைக்காரர்களை இறைவன்  திருப்தி படுத்த இயலாது. கிடைத்ததை  பயன்படுத்தவும், மேம்படுத்ததவும் அறியாது மேலும், மேலும் தேடிக்கொண்டே இருப்பவர்கள் பிச்சைக்கார மன நிலையில் உள்ளவரே.

நன்றியுணர்வு நம்மை வெறுமையாக்கி விடும். முழுமையாக்கிவிடும். நம்மை எல்லாம் உடையவர்களாக மாற்றிவிடும். அதுவே இறையின் சாந்தமும், சமாதானமும் பெற்றுத் தரும் திறவுகோல்.

நான் உணர்ந்த - கற்ற இறைஞானங்களை உங்களுடன் பகிர்ந்து கொள்ள மரபுவழி நலவாழ்வு மையத்தை உருவாக்கி இறைவழிமருத்துவம் மற்றும்  தமிழ் மரபுவழி மருத்துவம், மலர் மருத்துவம் ஆகியவற்றை தேவையுள்ளவர்க்கு சுகமளித்தும்,  தேடுபவர்களுக்கு கற்றுக் கொடுத்தும் வருகிறேன்.

மூன்று வழியில் மரபுவழி நலவாழ்வு மையம் நலவாழ்வை  பார்க்கிறது.

  1. உடலை - தன்னைத் தானே சுகப்படுத்திக் கூடியதாக, பாதுகாத்துக் கொள்ளும் அறிவுடையதாக இறைவன் படைத்துள்ளான்.
  2. மனம் - நன்மை தீமையைப் பிரித்துணரக்கூடியது, நன்மையை நாடுவதால் சுகமாக - செம்மையாகக் கூடியது.
  3.  ஆன்மா -  இறைஞானங்களைக் கோண்டு மனதை நெறிப்படுத்துவது. இறையுடன் உள்ள தொடர்பால் தன்னை சுகமாக்கி கொள்ளும்.

ஆன்மா, மனம், உடல் இவை மூன்றும் இணைந்ததே  மனிதனின் நான் எனும் இறைத்துளி.

மனிதனின் நான் தனது இயல்பான இறைத் தன்மையுடன் இருக்கும் போது மகிழ்வுடன் இருக்கும். எல்லாம் வல்லதாக இருக்கும். இறைவன் படைப்புகள் அனைத்தோடும் ஒத்தியைந்து சாந்தமும் சமாதானமும் மிக்கதாக இருக்கும். நானின் ஓர்மையுடன் கூடிய இருப்பே நலவாழ்வு.

படைப்பின் விளையாட்டால் - தன் படைப்பை சுவைக்கதன்னை தானே உணர  பிரிந்த இறைத்துளிகள் வாழ்வின் அனுபவத்துக்குப் பின் மீண்டும் இறையுடன் இணைவதே  வாழ்வெனும் பயனம்.

எனது எனும் மாயையால்; செய்யும் செயல்களின் விளைவும், தான் எனும் செறுக்கும் இறைவனிடமிருந்து பிறந்த நான்  துன்பம் அடைய காரணமாகிறது.

நன்மை, தீமைகளைப் பிரித்தறிய கொடுக்கப்பட்டதே பகுத்தறிவு. நான் இதில் நன்மையை நாடினால் நலம்.

இறைவன் நன்மைக்காக இறக்கும் எண்ணங்களை, வசதிக்காக நல்லது, கெட்டது என பிளவுண்ட மனதால் பிரித்துப் பார்த்தால்  முழுமைக்கு எதிரானவர்களாகி முரண்பாடுகளில் சிக்க வேண்டியுள்ளது.

அறியாமை, பயம், கவலை, வெறுப்பு, தனிமை, சுயநலம், விழிப்பிண்மை போன்ற மனதின் கேடுகளால் நானின் - ஆன்மாவின் இயல்புக்கு எதிராக மனம் செயல்படுகிறது.

இதை சரி செய்ய இறையருளால் தற்காப்பு அமைப்பு உடல், மன துன்பங்களை ஏற்படுத்துகிறது. இத் துன்பங்கள் மூலம் நமது தவறுகளை உணர்த்தவே, சரி செய்யவே, இறையன்பு விளைகிறது.

மனிதன் செறுக்கின் மிகுதியால், மனம் போன போக்கில் போய்,தன்னைச் சரிசெய்யவில்லை என்றால் இறையுடனான இடைவெளி அதிகரிப்பதால் அதற்கேற்ப மனிதனுக்குத் துன்பங்களும், வலிகளும், கேடுகளும் சூழ்கிறது.

தன்னை உணர்ந்த மனிதன் தனது மனதின் கேடுகளை நீக்கி இறைவழியில் தனது இயல்பை புதுப்பித்துக் கொண்டு, இறையச்சத்துடன் நலமாக வாழ்கிறான்.

பட்டும் தெளியாத அளவு மனதின் கேடுகளில் மாட்டிக்கொண்டவர்களை மீட்க,  மன எண்ணங்களை சீராக்க இறைவன், எத்தனையோ வழிகளையும், மூலிகை மலர்களையும், நல்ல மீட்பர்களையும், கொடுக்கிறான்.

 எந்த வழியிலாவது தனது குழந்தைகளை நல்வழிப் படுத்த, தம்மிடம் மீட்க இறையாற்றல் விரும்புகிறது.

இந்த உண்மையை உணர்ந்த நம் முன்னோர்கள் வகுத்த வாழ்க்கை முறைகள், உடலைப் பேணவும், மனதை செம்மையாக்கவும், இறையை அடையவும் உதவுகின்றன.


தன்னை உணர்ந்து இன்புற்ற சித்தர்கள், மதில் மேல் பூணைகளாக நிற்கும் தேடுபவர்களுக்கு தாம் சென்ற வழியை காட்டவே மரபுவழி மருத்துவ-வாழ்க்கை நெறிகளை தொகுத்து அளித்துள்ளனர்.

தற்காலத்தில், மருந்தில்லா மருத்துவம் என பல மருத்துவ முறைகள் நன்மையை தேடுவோர்களிடம் பரவி வருகிறது. நல்லது தான்; ஆனால், மருந்தில்லா மருத்துவ முறை எனும் கருத்து பல தவறான புரிதல்களுக்கு உள்ளாகியுள்ளது.

தங்கள் சில்லரை நலன்களுக்காக சிலர்  இந்த கருத்தை அறிந்தோ, அறியாமலோ தவறாக பயன்படுத்திக் கொள்கிறார்கள். இந்த போக்கு மனிதனின் தற்சார்புக்கான மக்கள் அறிவியலுக்கும் எதிராக போய் விடுகிறது.

நவீன அறிவியல் மருத்துவம் எனும் பேரில் மனிதர்களுக்கும், சூழலுக்கும் கேடாகி  பூமியின் உயிர்சூழல் இருப்புக்கே இடர் விளைக்கும் வணிகத்தை அடிப்படையாய் கொண்ட போலி மருத்துவ வணிகர்களிடமிருந்து மக்களை நல்வழி படுத்தவே மருந்தில்லா மருத்துவம் எனும் கருத்தை முன் வைத்தனர் நம் முன்னோர்கள்.

உடலைத் தன்னைத்தானே குணப்படுத்திக்கொள்ள கூடிய அறிவுள்ளதாக இறைவன் படைத்துள்ளான்.  உடல் தன்னை சுகமாக வைத்துக்கொள்ளக் கூடிய சூழலை, விதிகளை, வாழ்க்கை முறைகளை கற்பிப்பதும், தவறும் போது உடலுக்கு சரிசெய்து கொள்ள உதவுவதும் தான் மருத்துவம்.

இதற்காகத்தான் நமது உணவையே மருந்தாகவும், பழக்க வழக்கங்களையே மருத்துவமாகவும் பழக்கினர்  நம் சான்றோர்கள். இதன் விரிவாகவே சித்த மருத்துவமும், சீன சித்தர்களின் தாவோக்களின் அறிவியலான சீனமருத்துவமும் உருவானது.

சித்த மருத்துவத்தினுடைய சிறப்பு உட்பிரிவே வர்ம மருத்துவம். சீன மருத்ததுவத்தின் உட்பிரிவே அக்குபஞ்சர் எனும் குத்தூசி மருத்துவம்.

அக்குபிரசர், ஆயுர்வேதம், ரிப்ளக்ஸாலஜி, காந்த மருத்துவம், தடவல் முறை, பிரமீடு, ரெய்கி, பிராணிக் ஹீலிங், சக்ரா ஹீலிங், கற்கள், மாந்திரிகம் என்பதெல்லாம்  மேற்கூறிய சித்தமருத்துவம், தாவோக்களின் சீன மருத்துவம், சூபிகளின் யுனானி மருத்துவம் ஆகியவற்றின் அடிப்படையில் பிறந்த பகுதிகளே.

 மக்கள் நலம் நாடும் மருத்துவர்கள்,  மருத்துவத்தை முழுமையாக கற்றுக் கொள்ள தொடர்ந்து மாணவனாக இருக்க வேண்டும். தனக்குத் தெரிந்த சில நுட்பங்கள் போதுமானது இதுவே முழுமையானது எனும் முடிபுக்கு வரவே கூடாது. இது அவர்களையும் அவர்களை நம்பி வருபவர்களையும் அழித்துவிடும்.

மூலிகைகளையும், தாதுக்களையும், உப்புக்களையும்,உயிரினங்களையும் என இறைவன் கொடுத்த அனைத்தினையும் கொண்டு உடல், மனதை சீராக்க அறிந்தவர்களே சிறந்த மருத்துவர்கள்.

 இவர்களிடம் இருந்த, நேர்மையும், உண்மையும், முழுமையும், இறைவனை பற்றிய புரிதலும் இவர்களை சித்தர்களாயும், தாவோக்களாகவும், சூபிகளாகவும், இறைத் தூதர் களாகவும் உயர்த்தியது.

இவர்களேஉண்மையான மருந்தில்லா மருத்துவர்கள். மற்றவர்கள் போலிகளும் நடிகர்களும் தான்.

இந்த உயர்நிலைக்கு வர தொடர்ந்து கற்க வேண்டும். தேங்குவதெல்லாம் அழுகி அழிந்து விடும். சான்றிதழுக்காகவோ, வருவாய்காகவோ ஒருவர் தனது முன்னேற்றத்தை வீணாக்கி விடவேண்டாம்.

உங்களை தற்சார்புள்ளவர்களாக மாற்ற உதவும் வகையில் மரபுவழி நலவாழ்வு மையத்தின் செய்ல்பாடுகள் அமையும்.

அதற்கு உதவ உங்கள் கருத்துகளை பதிய வேண்டுகிறேன்.

அன்பை மறவா,
 தமிழவேள் நளபதி
மரபுவழி நலவாழ்வு மையம்,
  1. அண்ணா தெரு, ஆவடி, சென்னை -600054.
கைபேசி; 9345812080, 9444776208, 7010560588

















வியாழன், 11 ஆகஸ்ட், 2016

மாற்றத்தை அறிய


செவ்வாய், 10 மே, 2016

2ம் பகிர்வு-நோய் தீர்க்கும் மலர் நுண்சாரத் தீர்வுகள் எங்கள் அனுபவம்- ஆய்வு-பங்களிப்பு-2-



மலர் மருத்துவர் . நாகலிங்கம் அவர்களைச் சந்தித்தது ஓர் இனிய அனுபவம். அன்று நான் மேடவாக்கம் பதஞ்சலி நல மையத்தில் இருந்தேன். தனது மருமகளை அக்குபங்சர் வகுப்பில் சேர்க்க வந்தவர் என்னிடம் இறைவழி மருத்துவம் என குறிப்பிட்டுள்ளீர்களே அப்படி என்றால் என்ன? என கேட்டார். அவர் பேசிய முறை என்னைக் கவர்ந்தது. விரிவாக பதில் சொல்ல விரும்பினேன்ஆனால், என்னை சந்திக்க சிலர் காத்திருந்ததால் அன்று நேரம் ஒதுக்க இயலாததால்  அவரிடம் கைபேசி எண்ணைத் தாருங்கள், நான் ஓய்வாக இருக்கும் போது அழைக்கிறேன் என வாங்கிக்கொண்டு அனுப்பிவைத்தேன்.

அடுத்த நாள், அவரை கைபேசியில் அழைத்தபோது, ’இதோ வந்திடறேன்யா பக்கத்தில் தான் இருக்கிறேன்என சொன்னவர் சில நிமிடங்களில் வந்து விட்டார்.

வந்தவரை காக்கவைத்ததற்கு மன்னிப்பு கேட்டு அவரைப்பற்றி விசாரித்தேன். தான்  மின்வாரியத்தின் சீனியர் இன்ஜினியராக இருந்து ஓய்வு பெற்றவர் என்றார். இறைவழி மருத்துவம் பற்றி விளக்க உதவியாய் மருத்துவத்தில் எதேனும் அனுபவம், ஆர்வம் உண்டா? என கேட்டேன்.

தனக்கு எட்வர்ட் பேட்ச் -ன் மலர் மருத்துவத்தில் கடந்த 25 ஆண்டுகளுக்கு மேல் அனுபவம் இருப்பதை கூறினார். மேலும், மலர் மருத்துவம் பற்றி விரிவாக கூற ஆரம்பித்தார். நான் இடைமறித்து எனக்கும் பல ஆண்டுகளாக பேட்ச் மலர் தீர்வுகளை பயன்படுத்திய அனுபவம் இருக்கிறது என்றேன். மேலும் நமது நாட்டு மூலிகைகளை அவர் தயாரித்தது போல செய்து பயன்படுத்தினால் இன்னும் சிறப்பாக இருக்கும் என்றேன்.

அட அமாம்யா, நானும் இன்னும் சில நண்பர்களும் சேர்ந்து 15 ஆண்டுகளாக இந்த ஆய்வுகளில் இருக்கிறோம்என்றவர்; கடும் முயற்சிகளுக்கு பின் அதில் வெற்றி பெற்று இதுவரை 60 வகையான நம்நாட்டு மூலிகைகளின் நுண்சாரங்களைப் பிரித்து, சாப்பிட்டுப்பார்த்து, பலருக்கும் கொடுத்துப் பார்த்தும்  பலன்களை தொகுத்துள்ளதாக கூறினார்.

தொடர்ந்து, அவர்களது  அனுபவங்களையும்நோய்களுக்கான மூலிகைகளை- தன்மை அறிந்து தேரந்தெடுத்த காரணம் மற்றும் நுண்சாரங்களைப் பிரித்து எடுக்கச் செய்த முயற்சிகளையும்பெற்ற வெற்றியையும், முறைகளையும், அதன் நுட்பங்களையும் விளக்கிக் கூறினார்.

மேலும், அவரிடம் கற்று பின் அவருடன் இனைந்து மலர் நுண்சாரத் தீர்வுகளை பயன்படுத்தி சுகமளிப்பவர்களது அனுபவங்கள், முயற்சிகள் பற்றி கூறினார்

அவரது ஆழ்ந்த அனுபவமும், கடும் உழைப்பும், எளிமையும், நல்ல மனமும், சிந்திக்கும் திறனும்பார்வையும்  -எனது மனதில் நல்ல நண்பரை அறிமுகம் செய்த இறைவனுக்கு நன்றி கூறினேன்.

 எனது மனதில் நீண்ட நாளாக இருந்த தேடல்களுக்கு விடை கிடைத்தது.

ஐயா, மலர்கள் மட்டுமின்றி நான் இது வரை செய்து வைத்துள்ள சித்த மருந்துகளையும் இந்த வடிவில், ஆதாவது நுண்சாரத் தீர்வுகள் வடிவில் மாற்றி பயன்படுத்த வேண்டும். அதற்கான நுட்பங்களை கண்டறிய வேண்டும் என்று எனக்கு பல நாள் விரும்பம் என்றேன்.

தற்போதய சூழலில், நல்ல சித்த மருந்துகளை பயன்படுத்த இயலாதுள்ளது. காரணம்,

 குடிக்கும் தண்ணீரில் இருந்து எல்லா உணவிலும் படித்தவர்கள் போட்ட நஞ்சுள்ளதுமக்களின் மருத்துவ அறிவு-உடல், மன நலத்துக்கான அறிவு வணிகர் நலனுக்காக சிதைக்கப்பட்டு, அன்னியப்படுத்தப்பட்டுள்ளது.
பத்தியமாக இருந்து சிறந்த மருந்துகளின் பலனைப் பெறும் அறிவு பொதுவாக தற்கால தலைமுறைகளில் இல்லை.
நகர பெருக்கத்தால், அனுபானமாக உள்ள மூலிகைளும் எல்லா காலத்திலும், எல்லா இடத்திலும் கிடைப்பதில்லை, பொருள்களும் தரமாக இல்லை. வீட்டில் சூழ்நிலைகளும், புரிதலும் இல்லை.

எனவேசிறந்த மருந்துகளின் நல்ல தன்மையை, நுண்சாரவடிவில் மாற்றிஎளிய வடிவில் மக்களுக்கு கிடைக்கச் செய்யவேண்டும் என்றேன்.

நல்ல யோசனைய்யா செய்து பார்த்து விடுவோம்யாஎன்றவருடன் அன்றே அவரது வீட்டுக்கு சென்று எனது  சில சிறப்பு மருந்துகளை நுண்சார தீர்வுகளாக மாற்றினோம். (அமுதம் பெருக்கி, தலைச்சுருளிலிங்கக் கட்டு, அப்ரேக் அயச் செந்தூரம்)

இறைவன் அருளால் நன்மையை நாடியதற்கு, அருமையான பலன் கிடைத்தது. இன்று வரை பல நூறு பேருக்கு கொடுத்துள்ளோம். பின்னால் விரித்து சொல்கிறேன்.

இன்று வரை, நான் செய்து வைத்திருந்த - செய்கின்ற, எல்லா மருந்துகளையும் .நாகலிங்கம் ஐயாவிடம் இருந்து கற்றுக்கொண்ட நுண்சார தீர்வுளாக்கி பயன்படுத்துகிறேன்நேரடியாக கொடுப்பதைவிட விரைவில் சுகம் கிடைக்கிறது.

இப்போது எங்கள் குழுவில் மேலும் பல நலம் நாடும் மருத்துவர்கள்- சுகமளிப்பவர்கள் இணைந்துள்ளனர்.

இன்று, எங்கள் குழுவினர் தொடர் செயல்பாடுகளால் 600க்கும் மேலான மூலிகைகள்-மலர்கள் நுண்சாரத் தீர்வுகளாக மாற்றப்பட்டு நன்மையை நாடுவோர்க்குப் பயன்படுகின்றது.

அன்றிலிருந்து இன்றுவரை இறைவழி மருத்துவம் பற்றி .நாகலிங்கம் ஐயாவிடம்  விவரித்து பேசவில்லை. தேவையுமில்லை. மலர் நுண்சாரத் தீர்வுகளால் செய்யும்  மருத்துவம் இறைவழி மருத்துவத்துக்கு  நெருக்கமாகவே உள்ளது.

இறைவனுக்கு நன்றி.

அன்பை மறவா,
தமிழவேள் நளபதி

மரபுவழி நலவாழ்வு மையம்,
 31.அண்ணா தெரு,
காந்தி நகர்
ஆவடி,
சென்னை-600054.

கைபேசி- 9345812080, 9444776208



ஞாயிறு, 8 மே, 2016

நோய் தீர்க்கும் மலர் நுண்சாரத் தீர்வுகள் எங்கள் அனுபவம்- ஆய்வு-பங்களிப்பு -1-

நன்மையை நாடும் மனிதர்களுக்கு இறைவன் வழங்கிய ஞானங்கள் எளிய, தூய, நலமிக்க, முழுமையான நன்மை தருவதாக இருக்கிறது.

மலர் மருத்துவர் எட்வர்ட் பேச் வழியாக இறைவன் அளித்த நோய் தீர்க்கும் மலர்களின் நுண் சாரத் தீர்வுகளும் முழுமையான நன்மைக்கான கொடையாக உள்ளது.

  மனித மன எண்ணங்களை தூய்மைப் படுத்துவதன் மூலம்  மனிதனுக்கு வரும் நோய்கள் அனைத்தையும் களைந்து, இறைவனுக்கு நெருக்கமாக -மனிதரின் ஆன்மாவை கொண்டு சேர்க்கும்  மலர்களின் நுண்சார தீர்வுகளை பற்றிய ஞானத்தை, மிக எளிய வடிவில் வடித்துக் கொடுத்துள்ளார் எட்வர்ட் பேட்ச்.

இறைவனை மறைக்கும்ஏழு திரைகளாம்   பயம்சலனம், கண்டுகொள்ளாமை, சுயநலம், கவலைகோபம், சந்தேகம் போன்ற எண்ணங்களை நுட்பமாக வகைப்படுத்தி  38 வகையான மலர்களின் நுண்சாரங்களால் தீர்த்தவர் எட்வர்ட் பேட்ச்.

இவரது அனுபவ மருந்தான ஆபத்துதவி- ரெஸ்கியூ ரெமடி ( 5 மலர்களின் நுண்சாரக் கலவைநலம் நாடுவோர் ஒவ்வொருவரின் வீட்டிலும் இருக்க வேண்டிய அற்புதசஞ்சீவி.

மலர் நுண்சாரங்களின் சிறப்புகளில் சில,

கருவில் உள்ள குழந்தைகள் முதல் முதியவர் வரை அஞ்சாமல் பயன்படுத்தலாம்.

நூற்றுக்கு நூறு நன்மை மட்டுமே செய்யும். பக்கவிளைவு இம்மியும் இல்லை.

சாதாரண மனிதர்கள் எல்லோரும் பயன்படுத்தவும்புரிந்து கொள்ளவும், தயாரிக்கவும் எளிதானது. சிறப்பு அறிவு தேவை இல்லை.

செலவு மிகவும் குறைவு.

உடன்  தயாரித்துக் கொள்ளலாம். பல காலங்கள் சேமித்து வைத்துக் கொள்ளலாம்.

உலகம் முழுதும் இருக்கும் நன்மை நாடுவோரால் பயன்படுத்தப்படுவது.

எங்கள் அனுபவம் - ஆய்வுகள் -பங்களிப்பு

நான் கடந்த 17 ஆண்டுகளுக்கு மேல் மலர் நுண்சாரத் தீர்வுகளை பயன்படுத்தி வருகிறேன். எத்தனையோ இனிய அனுபவங்களை என் குடும்பத்திலும், என்னிடம் நோய் நீக்க நாடி வரும் அன்பர்களிடமும் கண்டிருக்கிறேன்.

தமிழ் மரபுவழி மருத்துவர்-இறைவழி மருத்துவர் என்ற வகையில் எனது புரிதலுடன் இனைந்து மலர் நுண்சாரங்களை கையாண்டு வருகிறேன். நமது நாட்டு மூலிகைகள் மற்றும் தமிழ் மருந்துகளின் நுண்சாரங்களையும்  எட்வர்ட் பேட்ச் புரிதலின் அடிப்படையில் விரித்து கையாள்கிறேன்.

குறிப்பாக, கடந்த 5 ஆண்டுகளுக்கு முன் மலர் மருத்துவர் .நாகலிங்கம் அவர்களை சந்தித்த பின்  நாங்கள் எங்களைப் போன்ற நண்பர்கள்  குழுவுடன் இனைந்து  செய்த ஆய்வுகளும், பெற்ற ஞானங்களும், அனுபவங்களும் இங்கு தொடர்ந்து பகிர்வது எல்லோர்க்கும் நன்மை தரும் என பகிர்கிறேன்.

நன்மையைத் தொடர்வோம்.

அன்பை மறவா,
தமிழவேள் நளபதி.

மரபுவழி நலவாழ்வு மையம்
எண்.31 அண்ணா தெரு,
காந்தி நகர்,
ஆவடி, சென்னை -54
கைபேசி - 9345812080, 9444776208